Google Play Edition SONY Xperia Z និង LG G Pad 8.3 ទើបតែនឹងចេញលក់កាលពីព្រឹកមិញនេះ នៅសហរដ្ឋអាមេរិច។ Device ទាំង២នេះបានភ្ជាប់មកជាមួយនូវប្រព័ន្ធប្រតិបត្តិការណ៍ Android 4.4 និងមានលក់នៅលើ Play Store ហើយ។
សម្រាប់ម៉ូដែល SONY Xperia Z Ultra គឺមានតម្លៃ 649$ និង LG G Pad 8.3 មានតម្លៃ 349.99$ ដោយមិនមានជាប់កុងត្រាឡើយ។
សម្រាប់ម៉ូដែល SONY Xperia Z Ultra នឹងភ្ជាប់មកជាមួយអេក្រង់ប្រភេទ Triluminos 6.4" ជាមួយនឹងទំហំអេក្រង់ 1080p និង Chipset Snapdragon 800 ដូចទៅនឹង Xperia Z Ultra ធម្មតាដែរ។ វានៅតែភ្ជាប់មកជាមួយបច្ចេកវិទ្យាមិនជ្រាបទឹកនិងធូលី IP58 ផងដែរ។
សម្រាប់ម៉ូដែល LG G Pad 8.3 វិញគឺបានភ្ជាប់មកជាមួយនូវ Chipset ប្រភេទ Snapdragon 600 អេក្រង់ប្រភេទ True IPS Display ជាមួយនឹងទំហំអេក្រង់ 1920x1200 ដែលអាចបន្ថែមេម៉ូរីខាងក្រៅបាន រួមជាមួយនឹងរូបរាងដែលផលិតពីលោហធាតុផងដែរ។
ចំណែកឯម៉ូដែល Google Nexus 7 ដែលជាសមិទ្ធិផលរបស់ Asus ឯណោះវិញក៏មានការបញ្ចេញនូវរូបរាងថ្មីពណ៌សផងដែរ។ ប៉ុន្តែវាផ្លាស់ប្ដូរតែផ្នែកខាងក្រោយតែប៉ុណោ្ណះ។ ចំណែកផ្នែកខាងមុខគឺស្ថិតនៅក្នុងពណ៌ខ្មៅដដែល។
