Samsung SM-G900F បានលេចចេញនូវ Specifications សារជាថ្មីតាមរយៈក្រុម AnTuTu ។ ទូរស័ព្ទមួយប្រភេទនេះបានភ្ជាប់មកជាមួយនូវ Chipset ប្រភេទ Snapdragon 800 8974AC រួមជាមួយនឹង RAM 3GB ដូចទៅនឹង Galaxy J ដែរ។ វាបានភ្ជាប់មកជាមួយនូវ Processor Krait 400 និងមានល្បឿន 2.5 GHz។ ហើយមានទំហំផ្ទុកទិន្នន័យដល់ទៅ 32GB។
នៅក្នុងរូបភាពរបស់កម្មវិធីពិនិត្យ AnTuTu ក៏បានបញ្ជាក់ផងដែរថាវាមានទំហំអេក្រង់ 1080pz និងដំណើរជាដោយប្រព័ន្ធប្រតិបត្តិការណ៍អ៊ែនដ្រយដ៍ 4.4 KitKat។ អ្វីដែលពិសេសនោះគឺកាមេរ៉ាទំហំ 16 Megapixels និងប្រើប្រាស់បច្ចេកវិទ្យារបស់ Samsung Galaxy Zoom។ វាអាចនឹងភ្ជាប់មកជាមួយ Sensor ដែលប្រើបច្ចេកវិទ្យា ISOCELL។
តើពិតដែរឬទេដែល SM-G900F គឺជា Galaxy S5? ឬក៏វាជាប្រភេទទូរស័ព្ទ Galaxy S4 មួយម៉ូដែលផ្សេងទៀត? ពាក្យចចាមអារាមជាច្រើននិយាយថា Samsung នឹងប្រកាសនូវប្រភេទទូរស័ព្ទ Galaxy S5 នៅដើមឆ្នាំ២០១៤នេះ។ ប្រហែលជានៅក្នុងព្រឹត្តិការណ៍ប្រចាំឆ្នាំ CES ហើយមើលទៅ។ រង់ចាំមើលទាំងអស់គ្នាថាតើ Galaxy S5 នឹងប្រកាសនៅថ្ងៃនោះមែនឬអត់? ព្រឹត្តិការណ៍ CES នឹងប្រារព្វឡើងនៅទីក្រុង Las Vegas នៅថ្ងៃទី៧ ខែមករា ឆ្នាំ២០១៤នេះហើយ។ (ម៉ោង៨ព្រឹកនៅកម្ពុជា)