បារខែម គឺជាកម្មវិធី ចែករំលែក ចំណេះដឹង ជុំវិញបច្ចេកវិទ្យា និងតាំងពិព័រណ៍អន្តរជាតិ រយៈពេល២ ថ្ងៃ ។ កម្មវិធីនេះនាំមកនូវការជួបជុំ ពីសំណាក់អ្នកប្រើប្រាស់កុំព្យូទ័រ អ្នកជំនាញ បច្ចេកវិទ្យាព័ត៌មានវិទ្យា (IT) វ័យក្មេង អ្នកដែលមានគំនិតថ្មីក្នុងសង្គម អ្នកអភិវឌ្ឍកម្មវិធីទូរស័ព្ទ និងវ៉ិបសាយ អ្នកបង្កើតប្លុក ម្ចាស់អាជីវកម្ម សហគ្រិន អ្នកជំនាញផ្នែកទីផ្សារ និងការទំនាក់ទំនង សិស្ស និងនិស្សិតសាកលវិទ្យាល័យ នានា ដើម្បីធ្វើការចែករំលែក និងសិក្សានូវរបកគំហើញ បច្ចេកវិទ្យា និងគំនិតច្នៃប្រឌិតថ្មីៗ នៅក្នុងសង្គម ។ កម្មវិធីនេះនឹងផ្ដល់នូវផលចំណេញ ជាច្រើនសម្រាប់បុគ្គល ក្រុមហ៊ុន និងស្ថាប័ន ។ នៅក្នុងកម្មវិធីនេះអ្នកចូលរួមធ្វើការ សម្រេចចិត្តជ្រើសរើស របៀបវារៈ និងប្រធានបទ ដែលពួកគេចាប់អារម្មណ៍ដោយ ខ្លួនឯង។ របៀបវារៈ ត្រូវបាន បង្កើតឡើងដោយការដាក់ស្នើ ជាមូលដ្ឋានពីអ្នកចូលរួម វាគ្មិន និងអ្នកធ្វើការក្នុងសហគមន៍ ហើយពួកគេគឺ រីករាយក្នុងការបង្ហាញព័ត៌មាន ទាំងឡាយ ដែលអ្នកចង់បាន និងអនុញ្ញាតឲ្យអ្នកចូលរួមទាំងអស់ បង្កើត ទំនាក់ទំនងជាមួយគ្នាទៅវិញទៅមក និងពង្រីក សហគមន៍បច្ចេកវិទ្យាព័ត៌មានវិទ្យានៅកម្ពុជា។
កាលពីពេលថ្មីៗកន្លងនេះគឺមានការប្រារព្វកម្មវិធីបារខែមអង្គរដែលបានធ្វើឡើងនៅខេត្តសៀមរាប នៅឯសកលវិទ្យាល័យសៅអ៊ីសថ៍អេយសៀ។ ចុចទីនេះ ដើម្បីអានព័ត៌មានអំពីបារខែមអង្គរ។
 |
| បារខែមអង្គរថ្ងៃទី ២៣ - ២៣ ខែកុម្ភៈ |
កម្មវិធីបន្ទាប់គឺបារខែមបាត់ដំបង ដែលនឹងធ្វើឡើងនៅសកលវិទ្យាល័យបៀលប្រាយ។ អ្នកអាចអានព័ត៌មានអំពីបារខែមបាត់ដំបងដោយ ចុចទីនេះ!
 |
| បារខែមបាត់ដំបងថ្ងៃទី ២៥ - ២៦ ខែ ឧសភា |
ហើយបារខែមដែលនឹងធ្វើបន្ទាប់ពីបារខែមបាត់ដំបងគឺ បារខែមកំពង់ចាម។ ចុចទីនេះ សម្រាប់ទំព័រហ្វេសប៊ុករបស់បារខែមកំពង់ចាម។ ហើយ ចុចត្រង់នេះ សម្រាប់គេហទំព័របារខែមកំពង់ចាម។