ពាក្យចចាមអារ៉ាមថា Samsung Galaxy S IV នឹងចេញនៅខែមិនា

ពួកយើងមានព័ត៌មានក្ដៅៗដែលរីករាយសម្រាប់អ្នកដែលនិយមគាំទ្រម៉ូឌែល Galaxy របស់ Samsung។ Samsung នឹងប្រកាស Galaxy S IV នៅថ្ងៃទី១៥ ខែមិនានេះ។ កម្មវិធីប្រកាសទូរសព្ទស្មាតហ្វូន Android ដ៏អស្ចារ្យនេះនៅមិនទាន់បានអះអាងបញ្ជាក់ពី Samsung នៅឡើយ។ ប៉ុន្តែគួរតែជឿជាក់ចំពោះការអះអាងរបស់ SamMobile ថា Samsung នឹងប្រកាសGalaxy S IV នៅថ្ងៃ ១៥ ខែមិនា។ ប៉ុន្តែទីកន្លែងដែល Samsung នឹងធ្វើការ Unpacked គឺស្ថិតនៅក្នុងអាថ៌កំបាំង។ SamMobile បានធ្វើសេចក្ដីរាយការណ៍ថា Galaxy S IV នឹងធ្វើការដាក់លក់ចាប់ពីសប្ដាហ៍ទី២នៃខែមេសា។ ដូច្នេះយើងអាចដឹងថា Samsung នឹងបញ្ចេញ Galaxy S IV ចាប់ផ្ដើមពីដើមខែមេសា។ ពួកយើងសង្ឃឹមជឿជាក់ថា Samsung នឹងផ្ញើលិខិតអញ្ជើញបន្ទាប់ពីកម្មវិធី សមាជទូរសព្ទពិភពលោក (Mobile World Congress) 
បានបញ្ចប់នៅខែកុម្ភៈ។











ការបញ្ចេញ Galaxy S IV នឹងចាប់ផ្ដើមពីអ៊ឺរ៉ុបខាងលិច។ Galaxy S IV នឹងបញ្ចេញពាសពេញអ៊ឺរ៉ុប នឹងអាស៊ីនៅមុនដំណាច់ខែមេសា។ អាមេរិច អូស្ត្រាលី និងអាហ្វ្រិក នឹងទទួលបាន Galaxy S IV ក្នុងកំឡុងតែឧសភា ឬមេសា។ឧបករណ៍ដែលនឹងភ្ជាប់មកជាមួយ Galaxy S IV ប្រហែលជាមានដូចជា ៖ Clear Cover, Flip Cover, Protect Cover, Pouch, Extra Batter Kit, Wireless Charging Kit, HDTV Adapter និង Headset។ជំនាន់បន្ទាប់របស់ Galaxy S IV ស្ថិតក្នុងពាក្យចចាមអារ៉ាមថា នឹងមានលក្ខណៈសម្បត្តិដូចជា ៖Exynos 5 Octa (8-Core) CPU, Mali-T658 (8-Core), 4.99" Super AMOLED Full HD 1080 Display, 2GB RAM, 13 Megapixels Real Facing Camera ដែលមានសមត្ថភាពចាប់រូបភាពវីដេអូក្នុងកម្រិត 1080p Full HD ក្នុងកម្រិត 30 FPS, 2 Megapixels កាមេរ៉ាខាងមុខ ដែលមានសមត្ថភាពចាប់រូបភាពវីដេអូក្នុងកម្រិច 720p HD ហើយនឹងដំណើរការនូវប្រព័ន្ធប្រតិបត្តិការណ៍អ៊ែនដ្រយដ៍ 4.2.1 Jelly Bean។




ចុចត្រង់នេះដើម្បីអានព័ត៌មានផ្សេងទៀត

Source : SamMobile