BarCamp Angkor 2013 កម្មវិធីជួបជុំដ៏ធំដែលផ្តោតសំខាន់លើប្រធានបទផ្នែកបច្ចេកវិទ្យា នឹងចាប់ផ្ដើមបើកដំណើរការរយៈពេលពីរថ្ងៃ គឺចាប់ពីថ្ងៃ ២៣ ដល់ ២៤ កុម្ភៈ នៅទីតាំងសាកលវិទ្យាល័យ សៅស៍អ៊ីសថ៍អេយសៀ នាទីរួមខេត្ត សៀម រាប។
កម្មវិធីដ៏ពិសេសនេះ មានការចូលរួមពីវាគ្មិនជាតិ និងអន្តរជាតិដែលមានបទពិសោធន៍និងចំណេះដឹងផ្នែកបច្ចេកវិទ្យា ដែលពួកគេមានប្រធានបទជាច្រើននឹងឡើងធ្វើការបង្ហាញដល់អ្នកចូលរួម ដើម្បីពិភាក្សា និងផ្លាស់ប្តូរគំនិតគ្នាទៅវិញទៅមក ក្នុងគោលដៅអាចស្វែងរកភាពរីកចម្រើននិងការអភិវឌ្ឍចំណេះដឹងផ្នែកបច្ចេកវិទ្យាឲ្យកាន់តែប្រសើរឡើង។
BarCamp Angkor 2013 អ្នកចូលរួមទាំងអស់ក្រៅពីអាចទទួលបានចំណេះដឹង និងគំនិតថ្មីៗពីការវិវឌ្ឍន៍នៃបច្ចេកវិទ្យា ជាពិសេសក៏អាចមានឱកាសជួបជាមួយអ្នកដែលនិយមបច្ចេកវិទ្យា, អ្នកអភិវឌ្ឍន៍កម្មវិធីល្បីៗ និងម្ចាស់អាជីវកម្មនានាដែលប្រកបមុខជំនាញផ្នែកបច្ចេកវិទ្យា។
BarCamp Angkor 2013 តាមការរំពឹងទុកនឹងមានអ្នកចូលរួមប្រមាណ ៦០០ នាក់ សម្រាប់កម្មវិធីរយៈពេល ២ ថ្ងៃនេះ។ ភ សូមចុចត្រង់នេះ សម្រាប់ប្រិយមិត្ត និងមិត្តយុវវ័យដែលមិនមែនជាអ្នករស់នៅខេត្ត សៀម រាប និងចង់ចូលរួមកម្មវិធីនេះដើម្បីស្នើសុំការឧបត្ថម្ភ៕
ព័ត៌មានបន្ថែមទៀត សូមចូលទៅកាន់គេហទំព័រ៖ http://angkor.barcampcambodia.org/