ថ្មីៗនេះក្រុមអ្នកជំនាញខាងស្រាវជ្រាវនៅមន្ទីរ Kaspersky Lab បានរកឃើញពពួកមេរោគ Android Malware ដែលលាក់ខ្លួននៅក្នុង កម្មវិធីសំអាត (Cleaner) ដែលជាកម្មវិធីសម្រាប់សំអាត Memory ដែលដំណើរការលើ Android តែបែរជាបង្កផលប៉ះពាល់ដោយចម្លងខ្លួនចូលទៅកុំព្យូទ័រទៅវិញនៅពេលណាដែលគេភ្ជាប់ទូរសព្ទ ទៅកាន់កុំព្យូទ័រ។ មេរោគប្រភេទនេះគេឲ្យឈ្មោះថា DroidCleaner។
យើងធ្លាប់តែបានឃើញ មេរោគកុំព្យូទ័រអាចបង្កផលប៉ះពាល់ឆ្លងចូលទៅទូរសព្ទដៃបាន តែនៅពេលនេះវាថែមទាំងមានលទ្ធភាពអាចឆ្លងពីទូរសព្ទចូលទៅក្នុងកុំព្យូទ័របានទៀតផង។
បើទោះបីជា Google បានខិតខំទប់ស្កាត់ការវាយប្រហារពីមេរោគ Malware នៅលើ Google Play យ៉ាងណាក៏ដោយ ក៏នៅតែមានកម្មវិធីដែលបង្កប់មេរោគដដែល។ លោក Chebyshev ជាអ្នកមានជំនាញនៅមន្ទីរពិសោធន៍ Kaspersky Lab បានផ្សាយរបាយការណ៍លំអិតជុំវិញការរកឃើញនូវការរាតត្បាតនៃមេរោគកម្មវិធី ក្រោយពេលមានអ្នកទាញយកទៅប្រើនៅលើ android device របស់ពួកគេពី Google Play។ កម្មវិធីថ្មីដែលមានផ្ទុកមេរោគនេះ មានឈ្មោះថា DroidCleaner។
នៅពេលណាដែល Smart Device បានឆ្លងចូលនូវមេរោគប្រភេទនេះហើយ ប្រសិនអ្នកភ្ជាប់ Smart Device ដែលបានឆ្លងនេះជាមួយកុំព្យូទ័រ នោះវានឹងបន្តឆ្លងចូលទៅក្នុងកុំព្យូទ័រទៀត។ មេរោគ Malware នឹងធ្វើឱ្យ Smart Device មានដំណើរការខុសប្រក្រតី នឹងធ្វើការងារដោយឯកឯងដូចជា៖
-ផ្ញើសារ SMS
-បើក Wi-Fi
-បើកចូលតំណរភ្ជាប់ (Link) ដោយពុំបានចុចសោះនៅលើ Browser
-Upload ឯកសារដែលមាននៅលើ Memory
-Upload SMS
-Upload លេខទូរសព្ធ និង រូបភាព
-លុបរាល់SMS ទាំងអស់
-ផ្ញើសារ SMS
-បើក Wi-Fi
-បើកចូលតំណរភ្ជាប់ (Link) ដោយពុំបានចុចសោះនៅលើ Browser
-Upload ឯកសារដែលមាននៅលើ Memory
-Upload SMS
-Upload លេខទូរសព្ធ និង រូបភាព
-លុបរាល់SMS ទាំងអស់
នៅពេលណាដែលបាន Install និងបានដំណើរការកម្មវិធីនេះនៅលើ Android OS ហើយ វានឹងទាញយកនូវឯកសារចំនួន ៣ រួមមាន៖ (autorun.inf, folder.ico និង svchosts.exe) ទៅកាន់ទីតាំង Root របស់ SD Card។ នៅពេលគេភ្ជាប់ Smart Device ដែលមានផ្ទុកឯកសារទាំង ៣នេះជាមួយ កុំព្យូទ័រតាមរន្ធ USB នោះឯកសារ svchosts.exe (Backdoor.MSIL.Ssucl.a) នឹងដំណើរការនៅលើកុំព្យូទ័រភ្លាម។
សរុបមក Malware ប្រភេទនេះវាពុំមានអ្វីដែលគួរឲ្យបារម្ភខ្លាំងនោះទេ តែអ្វីដែលគួរកត់សំគាល់ត្រង់ថា វាជារបៀបចម្លងថ្មីមិនធ្លាប់មាន ជាទូទៅធ្លាប់មានតែមេរោគកុំព្យូទ័រឆ្លងទៅទូរសព្ទ រីឯលើកនេះ មេរោគទូរសព្ទឆ្លងទៅកុំព្យូទ័រវិញ៕
ប្រភព៖ geeky-gadgets